Ja ndjej natës psherëtimën
emrin tënd ma thotë
Sypërgjumur pres të shoh
hijen tënde larg në horizont

Si një pendël që e bartë era
humbe nëpër botë
Dhe një ditë më nuk t'kërkova
në vete, të thashë shko.

Mallëngjimi m'zuri për një çast
dhe pse s'desha të mendoj për ty
sepse fati na dënoi
bashkë mos t'jemi unë dhe ti

Stinë e ngrohtë iku nga shpirti im
por, acari zemrën s'ma mbuloi
I lutem Zotit t'më hjekë dhembjen
dhe më kurrë s'do të dashuroj.