>
BIOSHQIP

Gent Bushpepa: Fansat E Rrokut Po Pakësohen

29-09-2013
Per te gjithe te apasionuarit e muzikes rock, vjen sot nje lajm i mire. “Tirana Rock Festival 2013”, vjen serish kete vit si vazhdim i iniciativave te suksesshme te “Tirana Rock Festival 2012” dhe “Tirana Jazz and World Music Festival 2012 dhe 2013”.

Misioni i “Tirana Rock Festival” eshte krijimi i nje festivali tradicional rock-u, te pervitshem, i cili do te gjalleroje jeten artistiko-kulturore te kryeqytetit, duke u kthyer ne nje mjet te rendesishem komunikimi ndermjet brezave dhe shkembim kulturor me vende te tjera. Ky festival, me pjesemarrjen e Renis Gjokes, Blla Blla Blla, Samavayo, Copyleft dhe Eugent Bushpepes, do te mbahet te shtunen e 5 tetorit, ora 17.00, ne sheshin pas Pallatit te Kultures ne kryeqytet. “Bluetooth”-it te sotem do t’i bashkengjitet sot rrefimi i nje prej artisteve me te mire te rock-ut, Eugent Bushpepa…



A ka rock-u ndjekes fanatike, apo organizimet masive ofrojne edhe ndjekes te rinj?
Ndjekesit e rock-ut sa vijne e pakesohen, si pasoje e shumellojshmerise komerciale qe ushqejne mediat televizive ne vendin tone. Jane koncerte dhe organizime te tilla si “Tirana Rocks” qe bejne te mundur afrimin e gjeneratave te reja dhe perballjen e tyre me nje muzike qe televizionet shqiptare rrallehere e shfaqin, duke ndikuar jo pak ne krijimin e nje “fanatizmi” te ri rock-u ne vitet ne vazhdim.

Dikur ka pasur nje tradite te festivalit te rock-ut, qe erdhi si pasoje e “urise” per gjerat e ndaluara. Po sot, pse duhet nxitur krijimi i nje tradite te re, nderkohe qe duket sikur ne te gjithe boten, muzika po behet si mall konsumi?
Bota ka kaluar vite nen rrymen rock; mund te permendim periudhen nga vitet ’50, me rock n’roll-in, e deri ne fundvitet ’90, me grunge dhe alternative, dhe serish akoma neper bote ekzistojne koncerte rock te cilat levrojne edhe degezime te reja te kesaj rryme. Fansat qe i ndjekin nuk jane te pakte ne numer dhe kjo vjen si pasoje e luftes dhe sfidave qe ndermarrin organizatoret e ketyre eventeve. Mendoj se tradita e festivaleve dhe koncerteve rock duhet te vazhdoje dhe ne Shqiperi, sepse publiku shqiptar duhet minimumi te krijoje aftesine qe te arrije te zgjedhe mes tingujve dixhitale te nje aparature dhe tingujve te dale nga bashkimi i disa instrumenteve qe perbejne nje grup ‘live’, qofte ky i fundit, rock apo jo.

A eshte kjo nje menyre per te rritur vleresimin e interpretimit ‘live’? (Duke pasur parasysh edhe iniciativen per festivalin e muzikes jazz, i cili eshte zhvilluar me pare).
Definitivisht po! Gjithashtu per t’u dhene vlerat qe u takojne artisteve te vertete, ne vorbullen e artit shqiptar.



Sa rendesi ka interpretimi i produksioneve muzikore origjinale, ne vend te cover-ave, apo keto te fundit jane garanci per sukses, ndoshta sepse spektatoret jane familjare me tekstet apo muziken?
Cover-at jane fasada terheqese, sherbejne per te afruar publikun, eshte nje shteg i shkurter per t’i afruar muzikedashesit drejt njohjes se materialeve autonome te secilit artist. Pra synimi kryesor eshte qe publiku te perballet edhe me artin individual te secilit artist.

Sa ndikon shkembimi i eksperiencave ne permiresimin e cilesise se muzikes?
Mendoj se mund ta konsiderojme si nje rreth vicioz qe perparon edhe ne kohe. Cdo artist mbart ne vetvete nje “bagazh” artistik te akumuluar, qe ne degjimin e tingujve te pare e deri ne ditet e sotme te ekzistences se tij. Secili nga keta artiste e reklamon kete “bagazh” me menyren se si shprehet ne artin e tij. Shkembimi i eksperiencave eshte nje shijim i grimcave te artit qe mund te te jape secili artist duke ndikuar drejtperdrejt ne subkoshiencen artistike te artisteve te tjere, dhe si pasoje, edhe ne artin e tyre, duke krijuar gershetime idesh.
(BalkanWeb)

Gent Bushpepa: Fansat E Rrokut Po Pakësohen