Është e premte mbrëma dhe është premierë. Reperi i ri nga Ferizaji, Ghetto, ka lansuar këngën më të re "Qëllimi", e cila menjëherë ka marrë vlerësime pozitive.
Kënga "Qëllimi" është nderim për reperin e ‘labelit' TBA, Unikkatil, që mund të vërehet qartë nëse e dëgjoni këngën, ndërsa kjo nuk mund të konsiderohet aq rastësi pasi të dy reperët i përkasin pothuajse të të njëjtit stil.

Ghetto për Telegrafin ka thënë se ai nuk e ka ndërmend të ndalet, do të vazhdojë derisa të arrijë majat e repit shqiptar dhe nuk mohoi e as nuk pohoi realizimin e një bashkëpunimi me atë që konsiderohet reperi më i mirë i të gjitha kohërave në trojet shqiptare, Unikkatilin.