Në përvjetor të ditëlindjes tënde
ke plot dhurata mbi tavolinë,
e midis tyre një glob të vogël
shokët e klasës ta kanë sjellë.
E midis tyre një glob të vogël
shokët ta kanë sjellë.***

Leht' e leht' përqark
Globi rrotullohet.
Fluturojnë mbi të
gjithë kontinentet.

(refreni 2 here)
Ja Atdheu im!
Ja, përmes kaltërsisë!
Shqipëria ime
Ja ku është!

Fushës qiellore, nëpër kristale
Fluturon globi e mban në shpinë
rrugë dhe pemë, zogj e limane
zjarre qytetesh që natën ndrijnë.
Shpresa e njerëz, erë e tufane
globi i mban mbi shpinë.***

Leht' e leht' përqark
Globi rrotullohet.
Popujt anembanë
gjithë sot po zgjohen.

(refreni 2 here)
Zemra ndezur kudo;
zjarr e flakë për liri
rrugëve qiellore
t'globit tonë.

Fushës qiellore, nëpër kristale
Fluturon globi e mban në shpinë
rrugë dhe pemë, zogj e limane
zjarre qytetesh që natën ndrijnë.
Shpresa e njerëz, erë e tufane
globi i mban mbi shpinë.***

Leht' e leht' perqark
globi rrotullohet, rrotullohet, rrotullooooooooooheeeeeeeeet...!