Poeti Dhe Hoxha

Më çoi e liga në hoxhë katundi
Për derman kjo,sigurisht
I niste shkronjat që nga fundi
I bënte nuskat arabisht.

Më dha "Selam" në dhomë kur hyri
Selam ja ktheva,- efendi
- Ty djalë i mbarë të ka zënë syri,
Ca edepsezë t'kanë bërë magji.

Me kurriz-kërrusur qyqari hoxhë
Nxorri defterët prej sëndukut
Kish vënë gjyslykë të marra borxh
-"T'ja plasim syrin qafir-kopukut".

Ky në rini kish' qenë hamall
- Në ballë e rroka tha,- edepsizin
- Ja hakun tënd thash,- E ke hallall
I feksën sytë,drejtoi kurrizin.

Me bisht të vogël i kishte kësulat
Të arabtat gërmë i shkroi me pendë
-"Ta ziesh në darkë pa fjetur pulat,
Ta pish në sabah pa lehur qentë".

Kur i dha karar të imtave rrjeshta
- " Me se merresh tha,- Trego të vërtetën
- Kam vite thash që shkruaj vjersha
Me politikë jam marrë gjithë jetën.

U nxi qyqari,u bë katran
Filloi të mekej arabisht
-"Ty nuk ka hoxhë që t'bën derman,
As nuskat e mia,sigurisht".

- Ti rri këtu tha,- në dhomën time
Si ndihmës hoxhë,si asistent
Për njerëzinë të qëndisim shkrime
- Për nuska qenke kompetent.

- Ah,"Zoti të faltë",- hoxhë efendi
Se prej Kur'anit po të bëj selam
Unë gjeta shkak për poezi
Ty nuk ka nuskë që të bëjë derman.

1 Maj 2016

- poezi nga Albi Lushi


Zgjidhni me sa yje do votoni

Mesatarja:  3 / Votuan:  2