Desha

Desha në jetë të isha i ndershëm
Kapur pas fjale,si burrat e hershëm.

Desha mes robërish të isha i lirë
Poezi të thurja duhan duke pirë.

Të pija duhan e çdo natë të flirtoja
Puthje me sharm e me epsh të dergoja.

Desha që mbrëmjeve ti vardisesha gotës
I dehur ti thoja të vërtetat gjithë botës.

Të jepesha në flijim,si Prometeu zjarrin
Diku midis ferrit t'ma zhvendosnin varrin

Varrin e ideve,mes djajve të paprekshëm
T'ma zbrisnin nga qielli,do isha i pavdekshëm.

15 Mars 2016

- poezi nga Albi Lushi


Zgjidhni me sa yje do votoni

Mesatarja:  5 / Votuan:  2