A B C D E F G H I J K L M N O P Q R S T U V W X Y Z #

Aromë

Buzagaz i saj i dlirë,
më burgos në lumturi
E kujtoj edhe përmallem,
e kujtoj dhe kushedi...
Kushedi se nga struket
në një tjetër kraharor,
Si kotele që përkundet
në ca leshra vjershëtor.
Më përmall aromë e saj
erë jete kundërmonte ,
Dhe si zog i zënë në faj,
sërish ndjesë më kërkonte.
Unë si gjithnjë e falja
si poet me gjysëm zemër,
Si një breg që se tremb vala,
dashurisë i vura emër.
Dhe në emër e thërrita,
siç thërret lahuta notat
dhe më kot aq gjatë e prita,
stinë ku malli thinji korbat.
Ah,ja sot,si çdo herë tjetër
tjerr vetminë që më përngjas.
Eh,ta dijë e bardha letër,
Ç'heq poeti kur nuk plas!

- poem written by Albi Lushi


Choose star rating

Rating:  5 / Votes cast:  2





Kjo faqe përdor cookies vetëm për reklama dhe statistika. Kjo faqe nuk mbledh, nuk përdor dhe nuk shpërndan të dhënat tuaja. Kompanitë e palëve të treta që përdorin cookies janë: Google, Taboola dhe MGID.
Më shumë info  
teksteshqip.com © 2007 - 2019