A B C D E F G H I J K L M N O P Q R S T U V W X Y Z #

Ka Kohë

Ka kohë që koha qan për kohën
Për kohën që iku e më s'vjen,
Vajton arka,thërret Noen,
E keqja të keqen ndërzen.

Ka kohë që zemra qëndron mbyllur
E fshehur në skutë a në qosh,
Pastaj n'agoni si limon i shtrydhur
Rimbushet me shpresat aq bosh.

Ka kohë që dhe unë përpiqem të eci
Ndër udhët që s'të çojnë askund,
Hon ku engjëjt i prinë dreqi
Djall e dreq që s'paska fund.

Ka kohë që koha kërkon kohën,
E pres të vijë të martën...
Një Poet bashkë me Noen,
Për shpresat ndërtojnë varkën!

- poem written by Albi Lushi


- Submitted by Albi Lushi -

Choose star rating

Rating:  4.3 / Votes cast:  3





Kjo faqe përdor cookies vetëm për reklama dhe statistika. Kjo faqe nuk mbledh, nuk përdor dhe nuk shpërndan të dhënat tuaja. Kompanitë e palëve të treta që përdorin cookies janë: Google, Taboola dhe MGID.
Më shumë info  
teksteshqip.com © 2007 - 2019