Tema: Poezi Dashurie

Dashuromë

Të pashë,më pe,kur yjet binin,
Dhe sot si dje gjer natën vonë
Ne zgjuar rrinim kur engjëjt flinin
Dashuromë e Huaj,dashuromë!

Sërish të pashë dhe ditën tjetër,
Kur dielli zbehej mbi buzë të njomë.
Ti poezi dhe unë një letër...
bjer mbi mua,dashuromë!

Dikur dikush, diku më tha:
" Pa dashuri je thjesht' kufomë"
Unë në jetë gjeta gjithçka...
kjo je ti, veç dashuromë!

T'u dhash' m'u dhe,kur hëna plakej
mbi ne si re,fshehur në dhomë.
Një shenjë e shenjtë drejt meje zgjatej,
prej dashurisë, ndaj dashuromë!

- poezi nga Albi Lushi


- Poezia u dërgua nga Albi Lushi -

Zgjidhni me sa yje do votoni

Mesatarja:  3.3 / Votuan:  3