>
BIOSHQIP
Biografia
Alina Jani është shtetase shqiptaro-amerikane. Që në moshë të vogël ka marrë leksione baleti klasik, piano dhe njëkohësisht është angazhuar me koncertet e shkollës si soliste, ku është vlerësuar me çmime të para dhe çertifikata mirënjohjeje për kontributin e dhënë në programet artistike si soliste. Alina ka qenë pjesëmarrëse në festivalin “Junior Fest Albania 2017” dhe në “The Voice Kids Albania “2018” Fituese e çmimit të dytë me medalje argjendi, në Genius Olympiade of New York në Oswego në vitin 2018, me pjesëmarrës nga 76 vende nga e gjithë bota. Gjithashtu fituese e çmimit të parë dhe çmimi “Anita Take” në festivalin mbarëkombëtar i zërave të rinj “Jorgjie Truja” në vitin 2018 dhe në vitin 2019 fituese e çmimit të dytë. Çmimi i parë në “Pop Talent Festival 2021” dhe pjesëmarrëse në festivalin “Festa e Këngës Shqiptare 2020” dhe në “Tirana Art Fest 2022”.

Ajo studion kanto dhe ëndërron të bëhet një këngëtare e madhe në të ardhmen, përpos dëshirës për të qenë dhe një avokate shumë e mirë. Pasioni i saj për këngën ka gjetur mbështetjen e të gjithë familjarëve të saj, veçanërisht babait, i cili është dhe fansi më i madh i Alinës.

Në Shtator 2017, Alina Jani merr pjesë në JESC 2017 me këngën "Yjet".

Në vitin 2018, Alina Jani merr pjesë në Voice Kids Albania.

Në Shtator 2022, Alina Jani merr pjesë në Kënga Magjike 2022 me këngën "Me Veten Flas".