Kur ishim të vogël
Nënat na mbuluan në djepa Kuq e Zi
Na kënduan këngë për Ty
Na treguan se n’zemër e n’damarë
Kuq e Zi një gjak na pranë

U rritem, u kalitem me Ty
Në burgje të mbajtëm në gji
Të patëm prijës në betejat për liri
Luftuam, fituam, festuam me Ty

Zotërues i tokës së Arbërit,
Detit e qiellit hyjnor
Krenaria e kombit tonë
Nderi dhe gjaku i jonë

Më i lasht se historia
Bajraktar ndër shokë
Sot, nesër, për jetë e mot,
Më i bukuri në Botë!