Një tip si unë ti mund ta shtrydhësh
një tip si unë ti mund ta ndrydhësh
por me një tip si unë ti nuk fiton

Ti erdhe me dy shpata në duar
e bindur për të më masakruar
Sulmove pikën time të dobët
dhe ia dole t’më lëkundje

por nuk ia dole dot jo
t’më rrëzoje
Ti nuk ia dole dot jo
t’më gjunjëzoje
Nuk ia dole dot jo
t’më ndaloje

Kam dashurinë në zemër si mburojë
karakterin krahë meje si truprojë
Mos guxo të shkelësh në këto troje
ka ikur ajo kohë kur ti komandoje

Dashurinë në deje
Krenarinë pranë meje
Mos guxo të shkelësh në keto troje
ka ikur ajo kohë kur ti komandoje

Për kohë të gjatë të kam duruar
zemërpeng e shpirtngujuar
Strukur thellë nën hijen tënde
por me mendje unë fluturoja

Ndaj nuk do pres me kot jo
nga ty një qasje
Jo nuk do pres më kot jo
nga ty një zmbrapsje
Bëj përpara nëse do
një përplasje

Kam dashurinë në zemër si mburojë
karakterin krah meje si truproje
Mos guxo te shkelësh në keto troje
Ka ikur ajo kohë e kur ti komandoje

Dashurinë në deje
krenarinë pranë meje
Ti nuk arrite dot të më sundoje
unë dola më i fortë nga ç’imagjinoje

Një tip si unë ti jo nuk e ndryshon
Një tip si unë ti nuk e gjunjëzon
Një tip si unë ti mund ta shtrydhësh
Një tip si unë ti mund ta ndrydhesh
por me një tip si unë ti nuk fiton

Kam dashurinë në zemër si mburojë
Karakterin krahë meje si truprojë
mos guxo te shkelësh në këto troje
Ka ikur ajo kohë kur ti komandoje

Dashurinë në deje
krenarinë pranë meje
Unë fluturoj i bindur drejt pranverës
ndërkohë që ti lufton me mullinjtë e erës