A B C D E F G H I J K L M N O P Q R S T U V W X Y Z #

Sa Herë Dua

Sa herë dua të nisem për atdhe
S’di se si zgjohet diçka në mua
Si tinguj lahute

Se si nisin e pëshpëritin rrugët
Sikur era e buzëqeshur
Duke parë fytyrën e diellit

Se si më kaplon një ngrohtësi
Sikur nëpër pllaka betoni
Kur vapa theket
E misri në prush piqet

Dëshirat më bëhen si buqeta
Dhe shkojnë larg larg
Deri sa nisin jonet e para të mërzisë
Që duken si shkurre të krasitura

Si i munduri keq më vjen të qaj
Të qaj o të qaj deri në ngashërim
Por si me butësinë e nënës
Shtrëngueshëm më përqafon atdheu im

- poem written by Avni Azizi


Choose star rating

Rating:  5 / Votes cast:  1





Kjo faqe përdor cookies vetëm për reklama dhe statistika. Kjo faqe nuk mbledh, nuk përdor dhe nuk shpërndan të dhënat tuaja. Kompanitë e palëve të treta që përdorin cookies janë: Google, Taboola dhe MGID.
Më shumë info  
teksteshqip.com © 2007 - 2019