>
LETERSISHQIP

Vdekja, Do Ta Ketë Botën Nën Sundim!

Vdekja, do ta ketë botën nën sundim!
Një ditë, njeriu, i përfshirë nga kundërshtarja,
E ashpër, e jetës,
Do të troket në derë të së vërtetës!
Çdo kockë zhdukur do t’i jetë,
Dielli përgjithmonë, perënduar do t’i ketë!
Do të shkrihet dielli bashkë me hanë,
Së bashku do shndërrohen në temjan.
Nuk do të dëgjohen dallgët e detit, as kori,
I zogjëve, që kënaqte miliona veshë. Do t'shuhet i tëri!
Një shi jo i zakonshëm tokën fort do e godasë,
Saqë lulja e fundit që do bie, dhimbshëm do bërtasë!
Një erë e pamëshirshme do t’i merr me vete,
Gjithë margaritarët - do rrotullojë lumenjë e dete…
Dhe vdekja, do ta ketë botën nën sundim!