A B C D E F G H I J K L M N O P Q R S T U V W X Y Z #

Tema: Poezi Për Gjyshërit

Gjyshes Sime

Gjyshja ime më e mira në botë,
Urtë dhe ëmbël më ledhaton,
Sa herë që në shkollë nisem të shkoj,
Më përcjell tek dera,kurrë nuk përton.

E dua shumë,se vërtet është e mirë,
Kurrë,të mërzitem ajo s'më le,
Edhe kur jam në situatë të vështirë,
Nga gabimet që bëj,ajo më nxjerr.

Por këshillat e saja me zërin e ngrohtë,
S'më lejnë të gaboj,të shkoj rrugës tjetër,
Edhe përrallat që mi tregon natën vonë,
Janë një mësim,një përvojë e vjetër.

Shpesh ia ledhatoj rrudhat dhe thinjat,
Kur në prehër më merr,me puthje më pushton,
Duart e saja i ndjej sikur t'mijat,
Zemrën e madhe që për mua gufon.

Portretin e saj kur s'do ta harroj,
Edhe kushedi se ku do më degdisë jeta,
Para meje do qëndron ajo,dhe unë do ta vështroj,
Me fjalët e urta dhe këshillat e veta.

Me pasurinë më të madhe gjyshen s'e ndërroj,
Ajo është yll që gjithmonë ndriçon,
Ndaj e dua shumë se shumë gjëra më mësoi,
Rrugën e vërtetë,ajo ma tregoi.

- poezi nga Burhan Skikuli


- Poezia u dërgua nga arsimdiber -

Zgjidhni me sa yje do votoni

Mesatarja:  4.8 / Votuan:  182





Kjo faqe përdor cookies vetëm për reklama dhe statistika. Kjo faqe nuk mbledh, nuk përdor dhe nuk shpërndan të dhënat tuaja. Kompanitë e palëve të treta që përdorin cookies janë: Google, Taboola dhe MGID.
Më shumë info  
teksteshqip.com © 2007 - 2019