Slobodan është një emër dhe vetëm një njeri,
por të tillë ka shumë dhe në mbarë Ballkanin,
njerëz që shohin vetëm interes dhe kanë veç mëri,
për djallëzi dhe shkatërrime, të madh ata kanë namin.

Thuajse në çdo shtëpi gjendet një dorë e hekurt,
në rrugica e në qoshe, kudo vetëm Slobodan,
kështu në fakt mendojnë ata se duhet të jesh, për të ecur,
s’ka vetëm një Slobodan, por kudo, kudo në Ballkan.