Diva e muzikës jazz, Elina Duni, gjatë këtij muaji do të publikojë albumin e tretë me radhë… i titulluar "Matanë malit", ky album është realizuar me labelin legjendar të muzikës jazz, "ECM", ndërsa do të hidhet në treg më 21 shtator në Zvicër dhe Gjermani, e më 8 tetor në Francë e Shtete të Bashkuara të Amerikës. Këtë vjeshtë, Elina, shqiptarja që po mahnit artdashësit, do të zhvillojë turne në Europë dhe SHBA, me muzikën që paraqet rikthim tek burimet e saj muzikore, një kombinim mes këngëve popullore ballkanike dhe muzikës jazz.