>
BIOSHQIP
Biografia
Elita Reçi është një këngëtare e mirënjohur nga Veleshta, Strugë, Maqedoni. Deri më tani ajo ka arritur të publikojë tre albume të suksesëshme të cilat janë mirëpritur nga publiku, si ai në Maqedoni ashtu edhe nga publiku në Kosovë dhe Shqipëri. Albumin e parë ajo e publikoi kur i kishte vetëm 15 vjet. Pas tre viteve ka realizuar albumin e sajë të dytë “Kujtoj zërin tënd” dhe ndryshe nga ai i pari, këtu ka pasur më shumë kompozitorë, duke filluar nga Edmond Zhulali, Shpëtim Saraçi, Valton Beqiri nga grupi “Korona”, orkestrim nga profesori nga Struga, Vagner Nushi si dhe bashkëpunime tjera me Elton Dedën, Alban Karabashin etj. Deri më tani ajo ka marrë pjesë nëpër shumë festivale duke filluar nga festivali i muzikës popullore ose këngëve të përpunuara ”Këngë Jeho” në vitin 1992 kur i ka pasur vetëm 9 vjeç e deri tek “Nota Festi” ku në vitin 2001 u vlerësua me çmimin e tretë nga juria profesionale ndërsa një vit më vonë me çmimin e dytë. Në festivalin “Alba Fest” në Shkup ka fituar çmimin e parë me këngën e kantautorit Ardit Gjebrea. Me këngën “Loti s’është tharë” të Adrian Hilës, Elita prezanton Shqipërinë në festivalin ballkanik ku fiton cmimin e dytë të jurisë profesionale. Mbresa të vecanta për këngëtaren Strugane, ka lënë festivali i interpretuesve të muzikës popullore në Tiranë 2002, ku në interpretim të drejtpërdrejtë, përkrah emrave si Irma Zyberi, Bujar Qamili etj, vlerësohet me vendin e tretë. Albumi i saj i tretë është kryesisht me këngë të kompozitorit të njohur, Adrian Hila.

Këngëtarja nga Struga Elita Reçi ka publikuar deri tani tre albume muzikore, ndërsa pjesëmarrjet e saj në festivale kanë qenë të shumta si në Kosovë, Maqedoninë e Veriut dhe në Shqipëri. Në vitin 2001 dhe 2002 në “Nota Fest” Shkup, ajo u vlerësua me çmimin e tretë dhe çmimin e dytë; në vitin 2003 pjesëmarrëse në “Alba Fest”, po në Shkup, fitoi çmimin e parë. Në Festivalin Ballkanik, ku Elita përfaqësoi Shqipërinë, me kompozim të Adrian Hilës, fitoi çmimin e dytë. Aktualisht Elita është profesore muzike dhe jep mësim në Liceun Artistik në Strugë.

Në Qershor 2002, Elita Reci merr pjesë në PoliFest 2002 me këngën "Eja".

Në Qershor 2003, Elita Reci merr pjesë në PoliFest 2003 me këngën "Kerkoj Dy Syt E Tu".

Në vitin 2003, Elita Reçi publikon albumin "Elita".

Në Prill 2005, Elita Reci merr pjesë në Top Fest 2 me këngën "Ti".

Më datë 28 Dhjetor 2007, Shekulli I Dreqit publikon videoklipin "Ne Moshen E Dashurise", në bashkëpunim me Elita Reci.

Më datë 27 Gusht 2009, Elita Reci publikon videoklipin "Ku Je".

Në Nëntor 2011, Elita Reci merr pjesë në Kënga Magjike 2011 me këngën "Njehere Ne Jeten Time".

Më datë 19 Tetor 2016, Elita Reçi & Kastriot Tusha publikojnë videoklipin "Te Du Moj Goce E Vogel".

Më datë 10 Janar 2019, Elita Reçi publikon videoklipin "E Vogla E Nones". Muzika e këngës u punua nga Edi Balili, ndërsa teksti u shkrua nga Armand Trebicka.

Në Shtator 2019, Elita Reçi merr pjesë në Kënga Magjike 2019 me këngën "Patenta Për Dashuri".

Më datë 25 Janar 2020, Elita Reçi publikon videoklipin "Zemërgur", në bashkëpunim me Danin. Kënga është punuar në të githë komponentet e saj nga Edlir Begolli. Videoklipi u prodhua nga kompania Daniel Joveski.

Në Maj 2020, Elita Reçi merr pjesë në Netët E Klipit Shqiptar 20 me këngën "Zemërgur", në bashkëpunim me Dani.