Në Maj 2013, Ermal Pepa merr pjesë në Top Fest 10 me këngën "Le Te Me Mungosh".

Më datë 15 Tetor 2018, Ermal Pepa & Landi Pepa publikojnë videoklipin "Si Ta Pranoj?". Një vit nga vdekja e Blerta Pepës, 16 vjeçarja që humbi jetën në mënyrë tragjike pas operacionit në këmbë, dy vëllezërit e Blertës, Ermal Pepa dhe Landi Pepa, kanë bërë një këngë kushtuar motrës së tyre. Muzika e këngës u punua nga Kledi Bahiti, teksti u shkrua nga Filloreta Raçi (Fifi). Videoklipi u prodhua nga Chill Pro.

Në një postim të tij ne Instagram, Ermali e kujton kështu motrën e tij: "Nuk besoja asnjë sekond që do ikje përgjithmone nga ne Blerta ime. Më qan shpirti, më dhemb zemra për ty motra ime, por kësthu qënka jeta o zemër. Ne po vazhdojmë sikur asgjë s'ka ndodhur. E di që ty s'të pëlqente kjo botë, pasi ma ke thënë vetë me gojën tënde, por jo të ikje kështu motra ime... Nuk e meritonim këtë dhimbje. Kemi shumë nevojë për buzëqeshjen tënde, o dashuri".

Më datë 22 Maj 2020, Ermal Pepa publikon videoklipin "Shqiperi Oj Nana Ime". Orkestrimi i këngës u punua nga Ermal Pepa.