>
LETERSISHQIP

Xhelozi

Pëllëmba e ajrit lexon fatet
një hartë në kantierin e mishtë,
me rrjeta të memorjes
hedh shekujt pellgjeve të ndotura,
që urat e zjarrta ngritën mes nesh
në orët lakuriqe
për t’u falur jetë tempujve.
Thurr litarë ajri me gishta. Dora
imitim i fateve,
vetëtimthi
zbraz ura ajri
që kanë zili shpirtrat,
ku vetëlexohen nxitimthi
ikje të përhumbura në retinë.
Krejt një projekt i grisur
nga mbartjet e krisura mbi shpinë.