A B C D E F G H I J K L M N O P Q R S T U V W X Y Z #

Tema: Poezi Dashurie

Një Shenjë E Shpirtit

Sot unë jam i trishtuar për thelbin sublim,
a ka më qetësi shpirtërore?
A ka dhimbje njeriu i Rendit të Ri Botëror?
Unë mendoj për Ty,
ndjek kokrizat dixhitale si kacafyten,
në veshët e tu,
nuk e di në më dëgjon siç të ndjej,
këtë çast plot aromë,
unë jam me Ty,
edhe pse je atje.
Një fletë e errët mbulon sytë e pëllumbit
flatrat i shkunden në një tokë të qetë,
e di Ti je atje mes pluhurit,
dikush me zë të lehtë po të flet,
e di Ti je me sytë drejt qiellit,
mua nga larg më pret.
Sot unë jam i trishtuar për thelbin sublim,
a ka më qetësi shpirtërore?
Dhe e shtrydh fort shpirtin tim,
si pranvera flokëzat e bardha bore,
në sytë e tu plot dritë.

- poezi nga Fatmir Terziu


Nuk ka akoma asnjë votë






Kjo faqe përdor cookies vetëm për reklama dhe statistika. Kjo faqe nuk mbledh, nuk përdor dhe nuk shpërndan të dhënat tuaja. Kompanitë e palëve të treta që përdorin cookies janë: Google, Taboola dhe MGID.
Më shumë info  
teksteshqip.com © 2007 - 2019