Lindën gjithandej Kosovës dhe përtej Atlantikut,
mbinë në fushëbetejën e Kosharës - ballë për ballë armikut,
hapën shtegun e gjërë për armë dhe vullnetarë,
përgjatë kufirit natyror shqiptaro-shqiptarë.

Ushtarët prij nga “Katana” - luftëtar komandues,
me shigjeta shembën përdhe gurin kufitregues,
që përgjysmonte kombin - pa dëshirën e tij,
triumfi i pushtuesit – iu kthye n’disfatë atij.

Maleve dhe kodrave t’përgjakura stërgjyshore,
luftëtarët trima u ndeshën me “ushtrinë hyjnore”,
që nga “Rasa e Zogut”- n’trekëndëshin Shqipëri-Kosovë-Mali i Zi,
deri te karakolli ”7 Korriku” – në “Qafën e Morinës”, n’kufi.

Ofanzivat e ngjeshura t’ushtrisë vendore
thyenin rezistencat e bishave okupatore,
ndaj tërhiqeshin këmbadoras repartet ushtarake,
duke lënë pas viktima dhe mjete luftarake.

Vullnetarët krenarë t’ushtrisë legjendare,
fituan dashurinë dhe bekimin e popullësisë shqiptare,
për moralin e lartë - përball kuçedrës Serbi
dhe idealin dardan - për çlirim, liri e pavarësi!

T’i lëmë kujtim ëndërrat e dëshmorëve dhe martirëve,
e vrojtimin ta shënjestrojmë tek brezat e t’rinjve,
për t’rrëfyer vuajtjet e sakrificat e atdhetarëve,
dhe gjakun e djersën e derdhur të forcave çlirimtare.