Ikën dy dekada të ditëbardhës
Që kur politika e bajraqeve ra në kullë

Këmishën e shqyer ende na e nxjerrin pazareve
Me figura shahu Evropa luan në fushën tonë

Rrobat e Kosovës shëtitin zyrave të kancelarive
Se kush t’ia presë më të ngushta nga shtati
Rritën ia ndrydhin

E ne sillemi inateve të bajraqeve
sikur asgjë s’ndodh
Se kush më i pari ta ngulë shtizën e vet
atje te sheshi

Nga veriu s’prajnë haberet e zeza
Derisa s’ngopen me gjakun tonë

E ne s’mbledhim se s’mbledhim mend
Nga e liga që i shkon vërdallë Atdheut
Në frontin e bajraqeve