Më mbaj mend (për 1 muaj)

05/03/2016 - 11/06/2016
Studiot E TV Klan, Tiranë
Prezantuesit: Klea Huta
TV Klan / Radio Klan

Edicioni i shtatë i talent show-t për fëmijë në TV Klan, “Gjeniu i Vogël” ka një fitues. Pas 14 netësh konkurim, spektakli i talenteve të vegjël ka nxjerrë fituese Marjana Begu, vajzën nga Shkodra.

Mbrëmja finale, si gjithmonë në drejtimin e shkëlqyer të Klea Hutës, ngjiti në skenë 11 konkurentë finalistë. Pas performancave të para, juria përzgjodhi katër më të mirët, që u përballën me njëri – tjetrin në sfida të drejtpërdrejta.

Klesta, Argisa dhe Marjana ishin treshja e fundit në garë dhe anëtarët e jurisë votuan për të preferuarën e tyre. Adi, Vikena dhe Jehona votuan përkatësisht për Argisën, Marjanën dhe Klestën, ndërsa Pirro vendosi në fund t’i japë votën e tij Marjanës.

Momente emocionuese kanë përfshirë Pirro Çakon, i cili mes lotësh, i dorëzoi trofeun zërit më të mirë të këtij edicioni, Marjana Begu.

Edicioni i këtij viti përmbysi çdo formule skualifikimi për shkak të talenteve të shumtë, ndaj edhe finalja e sotme, si në asnjë edicion tjetër, ngjiti në skenë 11 konkurrentë. Gara mes fëmijëve kaloi nëpër disa sfida, derisa në fund mbeti treshja Argisa, Klesta dhe Marjana.


Zgjidhni me sa yje do votoni

Mesatarja:  5 / Votuan:  3


Komente mbi këtë festival


* Të regjistruarit mund të votojnë ose të sinjalizojnë komentet