A B C D E F G H I J K L M N O P Q R S T U V W X Y Z #

Është Herët Për Harresën

Në këtë dimër të lagësht, pa një rreze dielli,
deti përbri, qiejt përmbi,
jemi larguar si guacka nga thelbi,
s’kam punë me qiejt, s’kam punë as me ty.

Qiejt më trembin, fjalët më dhembin,
duart më zhveshin, hapat më heshtin,
ikjet më shembin, ardhjet më çmendin,
sytë më presin, dhelet më vdesin.

Jam larguar tepër e jemi të bërë të vjetër,
përtypim kujtimet, si të përtypnim vetveten,
kur mbase mund të gjenim kohë tjetër
për harresën – vdekjen.

- poezi nga Ilirjan Zhupa


Zgjidhni me sa yje do votoni

Mesatarja:  3 / Votuan:  2





Kjo faqe përdor cookies vetëm për reklama dhe statistika. Kjo faqe nuk mbledh, nuk përdor dhe nuk shpërndan të dhënat tuaja. Kompanitë e palëve të treta që përdorin cookies janë: Google, Taboola dhe MGID.
Më shumë info  
teksteshqip.com © 2007 - 2019