Më mbaj mend (për 1 muaj)


Tema: Poezi Për Trishtim

Quokka

Buzëqeshja ime,
u fut nën kthetrat e djallit,
Buzëqeshja ime,
është fshehur nën rrënjët e malit,
Buzëqeshja ime,
u fundos në thellësi të detit
Buzëqeshja ime,
hyri në dry të sekretit.

Buzëqeshjen time,
e kërkoj rreth shtigjeve të detit,
buzëqeshjen time,
e kërkoj në majat e malit,
buzëqeshjen time,
i them kthema djallit.

Kush e mori?
E di,
edhe unë kam buzëqeshur,
si Quokka e bukur,
jam dukur i lumtur.

Quokka,
buzëqeshjen tënde të bukur,
huazoma së paku sot,
edhe nëse qepallat e syrit i mbylli,
minutin e fundit,
pa buzëqeshje,
mos ta jetoj dot.

- poezi nga Imer Raçi


- Poezia u dërgua nga Imi123 -

Zgjidhni me sa yje do votoni

Mesatarja:  5 / Votuan:  19

Komente mbi këtë krijim


* Të regjistruarit mund të votojnë ose të sinjalizojnë komentet