Më mbaj mend (për 1 muaj)

Hyrja është kryer me sukses!


Tema: Poezi Për Fëmijët

Shiu

Unë them se shiu
bie me zemërim
sepse lart në qiell
nuk gjen dot shtëpi.


Kokrrizat e shiut
zbresin poshtë
se mbi rrugë duan
të vallëzojnë tok.


Kur më pas ndodh
që buzëqesh dielli
shiu gjithë fëmijve
u shpalos ylberin.


E kërkojnë rrugët
kur kanë vapë,
bimët edhe pemët
shtatin t'ua zgjasë.


Toka e thërret
kur etje ka shumë,
lumi nga shtrati
del e bën rrëmujë.


Kur shiu mbi xham
troket si muzikë
qepallat mbyllen
nën ritmin e tij.


Tetor 1987

- poezi nga Irma Kurti


Zgjidhni me sa yje do votoni

Mesatarja:  4.5 / Votuan:  61


Komente mbi këtë krijim


* Të regjistruarit mund të votojnë ose të sinjalizojnë komentet
Duke u ngarkuar... Prisni ju lutem
Shiko të gjitha komentet