Kuptimi i të jetuarit është,
motiv për të ecur drejt të nesërmes,
ëndrrës
që secili ka të drejt ta shoh

një krijesë të tillë
sekush e do për vete, për njerëzit
e vet
edhe pse nuk e di kah ka ardhur
kah shkon dashuria

derisa nuk i dihet origjina,
është sekrete,
e fshehtë si prejardhja e ajrit
koha përmes nesh e ka sjell
deri këtu

sa herë bëhet fjalë për
origjinën e dashurisë,
të mençurit kanë shkruar
definicione e teori,
formula, e deri edhe poezi,
por, një gjë është e saktë,
kush deri më sot nuk e di

një gjë duhet kuptuar,
pa pretenduar se po zbulon
diçka të madhe,
dashuria lind përditë
përnatë,
pas dite pas mesnate.
thjeshtë mund ta shohim kurdo
kudo

e nëse është kështu,
ku jeton dashuria pra,
ku dashuron jeta,
origjinën, vendbanimin
kohështrirjen, ku e ka pra!

Teoria rrëzon teorinë
tjetër,
sikur stina përcjellë stinën
derisa të bëhet vit.
origjina është kuptim
edhe i qartë
edhe i paqartë.

Dashuria është prej Zotit
prandaj vetëm Ai
ia dine prejardhjen.