Kastriot Preteni i njohur ndryshe si "Kas" vjen në këtë intervistë ekskluzive për teksteshqip.com. Reperi i njhohur i cili prej shumë vitesh jeton në Norvegji thotë se ka shumë plane për të ardhmen e afërt dhe se nuk e ka ndër mend të ndalet. Së fudmi ai ka publikuar videoklipin e tij më të ri me titull "Hypocrisy" i cili është realizuar edhe në kuadër të festës së Halloween-it. Më poshtë mund të lexoni intervistën:

TeksteShqip: KAS, keni publikuar së fundmi videoklipin tuaj më të ri me titull ""Hypocrisy"". Na flisni pak më shumë për projektin?

Kas: Është një videoklip shumë i thjeshtë dhe spontan, sepse siç po e shikoni edhe ju është shfrytëzuar vetëm 1 lokacion, dhe të them të drejtën vetëm 2 orë kemi bërë për të kompletuar xhirimin e saj. Rregullisht i bëjmë 1 ditë apo 2 për ta kompletuar një videoklip, por kjo ishte pak më ndryshe sepse nuk doja ta komplikoja më tepër, dhe kisha dëshirë që njerëzit ta kuptojnë mesazhin e këngës, dhe jo të shohin aq shumë se çfarë ndodh në video. Projekti është bërë në bashkpunim me të dy vëllezërit e mi, dhe sëbashku e kemi bërë dhe idenë e spotit.



TeksteShqip: Për çfarë flet kënga?

Kas: Titulli i këngës është: Hypocrisy (shqip: hipokrizi). Bëhet fjalë për politikën dhe padrejtësinë e madhe qe po ndodh aktualisht në planetin tonë. Shiko se çfarë na ndodhi me ekipin e Shqipërisë në Beograd, dhe më në fund, ne jemi mbetë fajtor. E kam bërë këtë këngë sepse mendoj se është shumë me rëndësi t'ja hapim vetës sytë dhe të shohim pak më gjatë. Asgjë nuk është ashtu siç duket. E vetmja mënyrë që të përparojmë si popull është të lexojmë sa më shumë, dhe ti mendojmë pak gjërat vet, mos t'i besojmë të gjitha lajmet se çfarë thonë në çdo çështje nëpër rrethet e mediave.

TeksteShqip: Në videoklip shfaqesh mjaft interesant, me një maskë për festën e Halloween. Prej nga kjo ide...?

Kas: Është shumë interesante kjo gjë, sepse më kanë shkruar disa fansa në fillim, dhe më kanë thënë: "Për Halloween po e realizon këtë këngë? Do bësh naim?". Dhe unë vetëm ju përgjigjna atyre: "Dëgjojeni këngën njëherë mirë e pastaj shprehuni. "Maska në klip është një metafor dhe simbolizon edhe njerëzimin e sotshëm që jemi bërë sikur ”Zombies” që vetëm aktrojm në komanda të tjerëve pa menduar vetë. Ajo simbolizon edhe politikanët apo liderët e sotshëm sikur ”Vampires” që gjakun duan të na e "shtjerrin" si popull.

TeksteShqip: Cilat janë projektet e ardhshme të KAS?

Kas: Për 2014-tën, e kam edhe një projekt të madh për dashuri. Edhe disa ditë do ti fillojmë xhirimet videoklipit. Kënga do të jetë në zhanrin Jazz/Rap. Kaq mund të the, sepse unë jam një person që i pëlqej shumë surprizat, dhe ashtu mundohem edhe në publik me sjell. Jo që jam shumë vetiak, por kur ta lansoj një këngë, kam qejf ti shokoj njerëzit sa më shumë.



TeksteShqip: E doni shumë repin. Sa ka qenë e vështirë për ty të deputosh si artist i ri në hip hop-in shqiptar?

Kas: Shumë vështirë. Prej se kur isha 11 vjeç, jam marrë me muzikën hip hop dhe tekstshkrim. Dhe mund të them se gjithçka kam arritur deri këtu, është në krah timin dhe të vëllezërve të mi që më kanë ndihmuar. Sepse unë gjithmonë kam qenë i drejtë. Gjithmonë jam munduar të fluturoj në krahët e mi, dhe ja ku jam, duke fluturuar ende.

TeksteShqip: Keni lindur në Mitrovicë apo në Norvegji, ku edhe jetoni? Udhëtoni shpesh për në Kosovë dhe sa jeni i lidhur ngusht me vendlindjen tuaj...?

Kas: Në fakt prindërit e mi dhe dy vëllezërit e mi kanë emigruar nga Kosova në fillim të vitit 1992, e unë jam lindur më 22 Korrik 1992 në Suedi. Fatkeqësisht nuk e kam pas atë kënaqësi apo fat me lind në vendin tim i cili më duket si vendi më i mirë në botë, dhe asnjëherë s'e kisha ndërruar me asnjë vend tjetër. E duz shum vendin tim dhe popullim tim, aq shumë që së paku 3 herë në vit e vizitoj Kosovën.



TeksteShqip: A është Kastrioti "single"?

Kas: Jo, jam në relacion me muzikën për momentin. (Qesh).

TeksteShqip: A i shini si të duhura festivalet në Shqipëri, dhe a vini të merrni pjesë ndonjëherë në to?

Kas: Sigurisht që janë të duhura, sepse aty edhe zbulohen talentët e rinj. Në 2013 kam qenë në festivalin e Top Fest 10, dhe kam kaluar mjaft mirë.

TeksteShqip: Po album, mendon të realizosh në një të ardhme të afërt?

Kas: Ta shofim se çka do na bjerë e ardhmja. Unë për vetën time s'jam ai lloj artisti që mund ta kurdis vetën: "Tani do ta shkruaj një këngë të re", apo "Tani do të rri në studio", ashtu nuk funksionojnë aspak për mua. Këngët i shkruaj kur jam duke bërë diçka totalisht jasht muzikës, përshembull kur jam duke bërë tush, apo kur jam duke vrapuar i mendoj idetë e reja. Ndonjëherë edhe ndonjë instrumental i ndonjë producenti më inspiron për të shkruar.



TeksteShqip: KAS, faleminderit shumë që ishe me ne në këtë intervistë. Çfarë ke për fund...

Kas: Faleminderit shumë edhe prej juve për ftesën e kësaj interviste. Ndoshta pak klishe por si porosi do ta them kaq: "Ndiqe zemrën tënde, dhe ajo çfarë është më me rëndësi, mos u frikëso se çfarë thonë të tjerë për ty. Bëje atë tënden 100%, vetëm Zoti më në fund mund të na i gjykojë veprimet tona.