Çou Rexho, dil te lama

Dasëm t’madhe po t’ban nana!
Çou Rexho, çou djalo
Çou delia i nanës-o
Sot ma i mirë po m’dukesh-o!
Çou more Rexho, dil në shkallë
Po vijnë krushqit palë-palë!
Çou, Rexho çou djalo
Çou sugari i nanës-o!
Sot ma i mirë po m’dukesh-o!
Çou more Rexho, dil te votra
Merri n’gryk të shkretat motra!
Çou Rexho, çou djalo
Çou sokoli i nanës-o
Nuk ka nana tjetër-o!
Oh more gjog-o, t’u thaftë kamba
S’ma le Rexhën t’ejten proma!
Çou Rexho, çou djalo, çou sokoli i nanës-o!
Qysh ma fike derën-o?
Oh more gjog-o, t’u k’put jela
Qysh ma mbyte Rexhën shkelma?!
Çou Rexho, çou djalo
Çou sugari i nanës-o
Shka ban pa ty nana-o?!
Po vijnë krushqit rrethit malit
Rexha i dekun n’grazhd të kalit.
Çou Rexho, çou djalo
Çou delia i nanës-o
Sot m’a i mirë po m’dukesh-o!
Çou more Rexho, kqyr sahatin!
Kush t’ia hjekë nuses duvakin?
Çou Rexho, çou djal-o
Çou sugari i nanës-o
Sot ma djege zemrën-o!
Oh more krushqi hani e pini
Nesër Rexhën n’dhe t’ma shtini!
Çou Rexho, çou djalo
Nuk ka nana tjetër-o
E ma fike derën-o!a