TEKSTI ORIGJINAL
O ç'janë këto gjamë
O që po i përcjell toka
O ç'janë këto lot-o
Që po derdh nan' lokja
O derdhen lotët
O bre mbushin Drinin
O treqind nana
O po shkulin gjinin
O nxihet bora
Malet ulin kryet
O n'fluturim more
Sot po vdesin shqipet
O vjen haberi
O bre në çdo votër
O gjamë e madhe
O në Shkup e në Ohër
O aeroporti
O u la me gjak-e
O djemt e nanës
Po digjen në flak-e
O përmes flakës
O bre gra e fëmi-e
O treqind nana
O me lot o në sy-e
O mallkon fatin
O i mjeri shqiptar-e
O qysh me mbetun
O nana pa djal-e
O qysh me mbetun
O djepat pa fëmi-e
O qysh me shku-e
O nusja o n'gjini-e
O derdhen lotët
O bre mbushin Drinin
O treqind nana
O po shkulin gjinin