TEKSTI ORIGJINAL

(Dedikuar aktorit të madh Bekim Fehmiut)

A është jeta aventurë,
epizodë filmi në pëlhurë,
Rrjedh Lumbardhi përmbi gurë,
që përkund hirin tim pa nurë.

Eca,sfidova,botën kalova,
vetëm një grusht ajër kërkova,
Pakëz vesë t'mëngjesit në agim,
mbi supet e çupave t'vendit tim.

Jetë lozonjare e zezë e bardhë,
dashuri e fundit, dashuri e parë.
E bukur si foshnja, me gazin fëmijë,
e ndrydhur si kënga e mbajtur nën dry.

Para Zotit qava, qesha pa kufi,
në gjuhën e nënës më morën mëni.
Kalorova botës, mbase me hapërim,
ngrohtësi nuk gjeta si n'vendin tim.

Malli më merte,per fjalët e lokës,
për këngën e djepit, për flladin e tokës.
Ahengjet e vona në kohën e stinës,
në Prizrenin e bukur në korzon e Prishtinës.

📋 TEKSTI I KARTOLINËS

Seleksiono 1-6 rreshta nga teksti origjinal dhe tërhiqi/ngjiti në hapësirën e mëposhtëme:

ThenieShqip v5.0 © 2024