Teksti Origjinal

Me flakë epopeja
Po shkrihej në Tiranë,
Një botë tek po lindte
Nga syri i pushkës pamë.

Një nuse në barrikadë
Vendos një djep fëmije
Shaminë hoq, të na lidhte
Plagët-rrënjë lirie.

Dhe turravrap mes predhash
I biri e kërkonte
Po nusja pozicionet
Me djepin tok i mbronte.

Trimëresha mbante djepin
Dhe foshnja ndiqte nënën
Që djali të mos vritej
Përpara vinim zemrën.
Refreni
Ne ishim komunistë,
Shokë të Enverit,
Partia na kaliti
Besnike në rrugën e nderit.

Në sulme të përgjakura
Me zjarr ku digjej nata
Si përmendore të ngrihej
Ky djep në barrikadë.

Nën palët e flamurit
Tiranës mbi bunkerë
Një nuse rend përpara
Me krahët hapur n'erë.

📋 Teksti i Kartolinës

Seleksiono 1-6 rreshta nga teksti origjinal dhe tërhiqi/ngjiti në hapësirën e mëposhtëme:


Kartolina v3.1 © 2020