TEKSTI ORIGJINAL
Për herë të parë në jetë
u ndodha në një udhëkryq,
jam ende 20 vjeç
si të veproj s’e di.
Ref:
Të rri, të flas me ty
të të përgjigjem me një “po”,
apo të iki diku larg
dhe ndoshta kurrë mos të shoh.
Këtë natë ku gjithçka
është e veshur me mister,
unë rri i heshtur, kokëulur,
nuk e di se çtë them.
Ref:
Më ler ca ditë, ca javë
më ler vetëm disa muaj,
të pyes veten, të pyes zemrën
nëse vërtet të dua.