Më këpute si një lule
pa dëshirë pa dhimbsuri
thellë në zemrën time hyre
pastaj ike...s'di se si

Ti s'di si çel Pranvera
se ç'është një lule, nuk e di
pra mos këput, ti më, lule të tjera
se lule e vyshkur... nuk mbin përsëri

Me një dhimbje thellë në zemër
u përgjuma në vetmi
kur u zgjova nga një ëndërr
isha bërë tjeter njeri

Dhe erdhi përsëri Pranvera
dhe lule e bukur u përtëri
në ëndërra ka drita të tjera
e gjurmë nga ty...nuk ka mbetur asnji...