Dallgë moj që vete tutje
Përmbi detin me stuhi
Kam një fjalë, kam një lutje
Të ma çosh në Shqipëri. (2x)

Amanet t’ma puthësh tokën
E të parëve të mi
Se ajo na ka bërë kokën
Nëna ime Shqipëri. (2x)

Ta kam borxh e ta kam hua
Kur të shkosh në Shqipëri
Ndahu nga shoqet e tua
E në breg të detit rri. (2x)

Amanet t’ma puthësh tokën
E të parëve të mi
Se ajo na ka bërë kokën
Nëna ime Shqipëri. (2x)

Kur të ndalesh n’ato brigje
Tejembanë e bukuri
Thoja se për ty po digjet
Zemra ime Shqipëri. (2x)

Nëna ime Shqipëri!

Amanet t’ma puthësh tokën
E të parëve të mi
Se ajo na ka bërë kokën
Nëna ime Shqipëri. (2x)

Nëna ime Shqipëri!