TEKSTI ORIGJINAL
Ti mor zog,o zogu i bjeshkes,
Kur t'kalojsh maje Shkelzeni
Kndoje 'i kangë për dy pishtarë :
Dervish Luzha e Rexhep Beli!
Nat' për natë përmbi Shkelzen,
Po na del një dritë e bardhë,
Dervish Luzha e Rexhep Beli,
Rrinë atje me baballarë!
Dervish Luzha,ty t'çoj Zoti,
Orë e trollit t'shqiptarisë,
Me ngjallë shpresën,me hjekë lotin
Që rrjedh faqeve të njerzisë
O udhtar,po t'humbi rruga,
Nëpër botë,po t'zuni terri,
Kqyre yllin përmbi bjeshkë,
Ta gjen rrugën Rexhep Beli!
Janë dy orë të shqiptarisë,
N'ato gurra,n'ato kroje,
Janë dy drita që rrijnë ndezë,
E kurrë s'fiken në kto troje!
Ku pinë ujë,buruen krojet,
Ku pushuen,u bekuen votrat,
Pllumba t'bardhë e mbushën qiellin,
Kurrë pa vllazën s'i lanë motrat!