Më brengosin gjethet
Që bien në vjeshtë
Natën rriten vajzat
Ditën zgjaten djemtë

Në kopshtin e hënës
Yjet rrinë zgjuar
Pena ime zog
Pentagram i shkruar

Kënga nuk më shkon
Se jam fill i vetëm
Mbi motiv të ri
Përgjon brenga e vjetër

Përgjojnë ato buzë
Përgjojnë ata sy
Që dhe sot i zbehin
Diejt si qiri

Troku i zemrës time
Rend si kalë i etur
Nëpër qiej zemrash
Plagë ke për t'më mbetur