Abetarja është libri i parë,
nga nis e gjithë dituria,
me kaq flori që ka brenda,
matet e tërë pasuria.

Shkronjat që ka ajo,
i kanë marrë librat e tjerë,
kush i mori më lehtë,
kush me shumë poterë.

Floriri i Abetares
është flori me okë,
ama kur fëmijët,
e futin thellë në kokë.

Në çdo fletë të Abetares,
është nga një yll,
me çdo grafikë shkronjash,
ndriçojnë një pyll.

Zbret aty dhe dielli,
si mësues i jetës,
lidh fijet e dritës,
derdh mjaltrin e bletës.