TEKSTI ORIGJINAL
Ty djalosh, që vjen në gjumë,
Pa teklif, pa më trokitur,
Nuk të thanë ndonjehere,
Se një zemër ke grabitur?
Nuk të thanë ndonjehere,
Se një shpirt po e merr zvarre,
Se nuk rron asnjë ditë,
Një zog gjysëm I vrarë?
Ty djalosh me synë e zi,
Me flokët si rreze djelli,
Nuk të thanë ndonjehere,
Se më ka pllakosur qielli?
Nuk të thanë ndonjehere,
Se një shpirt të vetëm kam,
Po e humba dhe atë,
Do ngelem për jetë mjeran?
Ty mor djalë të marrtë e mira,
Ç"më ke bërë, s"më thua vallë,
Si në diell, si nē shira
Mendjen time sjell vërdallë.