TEKSTI ORIGJINAL

Me 'i trohë grue hallë m'ka zanë
m'i kthen fjalët hala pa ja thanë.
mendjen tek e nji trohë njeri,
një pllam trup e dy pllam seri.

Ma ke pru shpirtin ne hund,
fjalët me rrot'lla po m'i gjunë.
trup e mend me pllam nuk maten
me ty o i keq qysh me prit naten?

S'pritshe msit me ta msy deren,
m'çojshe fjalë s'mund e pres veren.
u sa trubull ju kam ra,
dhash niçahin kurrë pa t'pa.

Taksirat kismet i dyve,
na u kish ba terr para syve.
ti i keq e unë e vogel,
jemi nd'rrue dushkë për gogel.

Kam ba dasem si âsht adeti,
m'i ke pru ligjet me veti.
ditë ma t'zezë s'paska për mue
gruja e keqe me m'sun'ue.

Mos e pafsh një dite të bardhë,
vet m'ke lyp me zorë s't'kam ardhë.
e ketë punë n'e kqyrsh me pleq,
ke me dal 7 herë më i keq.

Llafet thellë me i shti me gra,
mas 7 fmive t'shtine me u nda.
fjala fjalen se mund kurrë,
gruja gru e burri burrë.

📋 TEKSTI I KARTOLINËS

Seleksiono 1-6 rreshta nga teksti origjinal dhe tërhiqi/ngjiti në hapësirën e mëposhtëme: