Për Kelin nuk ka pushim. Çdo ditë e më shumë ai na ka dëshmuar se është i pandalshëm. Vetëm 3 jave nga publikimi i këngës "U Kall", e cila për 1 javë i kaloi 500000 klikime dhe u kthye në kryefjalën e dasmave shqiptare, KELI publikoi edhe hitin e dytë për këtë verë "Ta Ha Zemrën". Tekstin e këngës e ka thurur vetë KELI, muzika: Ylber Qaili, producent: Arif Ibishi, studio: Meti, menaxher: Ejup Shabani. Videoklipi i këngës është realizuar me mjeshtëri nga Produksioni Jehona, në qendër të Shkupit. Kjo këngë është ngarkuar zyrtarisht në youtube në datën 28.07.2016 dhe vetëm për një ditë ka artitur mbi 123000 klikime, shifra që vazhdojnë të rriten me ritme të shpejta. Për këtë këngë, KELI ka marrë komente shumë të bukura nga miqtë dhe fansat e tij.



Sigurisht që edhe këtë herë fansat e panumërt të Kelit kanë vijuar të bëjnë selfie video me këngën e re, që është një tjetër provë për suksesin e madh të kësaj kënge. E si mund të ishte ndryshe? Kjo këngë patjetër që do korrte shumë sukses, sepse i dedikohet gjithkujt që dëshiron ti këndojë të dashurës. E ku ka këngë më të përshtatshme se kjo për të gjithë ata që duan t’ia shprehin me këngë dashurinë të dashurës. E thjeshtë fare: Një buqetë me trëndafila, disa çokollata, "Ta ha zemren" dhe rezultati dihet... Tani nuk na mbetet tjetër veçse të shijojmë këtë superhit dhe ti urojmë Kelit shumë suksese në të ardhmen.