Lamtumirë ju lë shëndenë
Se erdh dita që të shkoj,
Për liri, për Mëmëdhenë
Me gaz vete të luftoj.
Për lirinë, për lirinë
Me gëzim kam un’ me vdekur
Më s’duroj dot robërinë
Se mjaft zemra m’është djegur.
Pushka m’është mëmë e dashur
Edhe shpata e shkëlqyer
Ati im këto ka pasur
Me gjak t’armikut lyer.
Shtëpi kam gunën e dhirtë,
Mallet, pyjet ku jetoj
Duke pritur mot e ditë
Armikun t’a copëtoj.
Se dhe bora, shiu dhe bresh’ri
Këjo rrojtje s’më tmerron
Është e ëmbël si sheqeri
Kush për Shqipërinë lufton.
Vdekja kurr s’më tremb mua
Si çdo tjetërë njeri
Se vdekjen e kemi hua
Po lum kush vdes për liri.