Aj të zëmë dor’ më dorë
Gjithë djemt e Shqipërisë
Dhe të tundim Tomorë
Me vallën e trimërisë.
Toskë, Gëgë, Labër, Çamër,
Gjithë ç’janë Shqipëtarë
Aj të lozim an’ e mbanë
Vallën tonë të pandarë.
Aj të lozim, të kërcejmë
Të gjithë sot të bashkuar
Gjyshërit të na vërejnë
Bij, qofshi të bekuar!
Gjithë armiqtë do t’kuptojnë
Të shohin vëllazërinë
Do të dridhen kur ndëgjojnë
Që shpëtojmë Shqipërinë.
Neve botës t’i tregojmë
Që shqiptarët nuku flejnë
Por punojnë dhe nxitojnë
Të shpëtojnë mëmëdhenë.
Të këndojmë e të thërrasim
Rroftë, rroftë Shqipëria!
U shtoft për gjithë jetën
Në mes tonë vëllazëria!