Kur dola n’dritare
N’terr s’e pashë oborrin
O jo, jo, jo, loke jo!
Hana porsi nuse
Po ta ru’nte varrin
O jo, jo, jo, loke jo!
Kur dola n’dritare
Thashë po binte shi
O jo, jo, jo, loke jo!
Nuk qe ujë i shiut
Por qenë lot’t e mi
O jo, jo, jo, loke jo!
Na ka dalë n’lugje t’verdha
Kërkon djalin shamizeza
O jo, jo, jo, loke jo!
Vaji i saj e thanë dhe malin
Nanë e mjerë kërkonte djalin
O jo, jo, jo, loke jo!
E kërkon, por s’e gjen dot
Lot i bahet gjithë kjo botë.
Hiqe lotin nanë shqiptare!
Nuk mbajmë zi pa dalun fare.
Vatrat tona nuk janë të shkreta
Knojn’ lahutat e tunden djepat.


DËRGO