S’paske pas një pikë mëshirë
I: Qysh mësova unë kësisoj!? :I
Xhanëm aman!
S’pres prej teje far të mirë
I: Veç me m’fol o njiher me gojë :I
Pse m’ke marr kaqë mëni-e?
I: S’shkohet jeta me inat, :I
Xhanëm aman!
Fol me gojë o syu i zi
I: Mos ke frikë se ban mëkat, :I
Xhanëm aman!
Paske pasë moj zemrën hekur
Qysh durove mori xhan?
Xhanëm aman
Jam betu’ se nuk du’ tjetër
Drandofille n’Elbasan,
Xhanëm aman!
Kur më than t’u idhnu xhanani,
Mu’ ma mirë t’më kishin vra.
Edhe me m’xierr prej Elbasani
Unë se hjek t’shkretën sevda.