Më mbaj mend (për 1 muaj)

Manjola Nallbani: Në Komunikimin Me Vajzat S'kam Tabu

Nuk ka akoma asnjë votë

[11-03-2013]
Te thuash e kujdesshme eshte pak. Cdo detaj eshte i mireorganizuar. Axhenda e ngjeshur shpaloset gjate dites natyrshem, por ajo ia del t’i beje te gjitha. Te kujdeset per bashkeshortin dhe vajzat, njeren prej te cilave e ka jashte vendit dhe i mungon shume, te shkoje ne akademi ku jep mesim prej disa vitesh, te kujdeset per veten e saj, te shkoje ne studio per te regjistruar materiale te reja...Absolutisht gjithcka. Mirepo ndonese nuk ka bere pauza te gjata ne muzike, Manjola thote se primare per te mbetet familja. Ne vijim te kesaj logjike, gjithkush do ta admironte nje nene si Manjola Nallbani, por edhe nje profesioniste te vertete ne fushen e saj. Ne kete rrefim, kengetarja e adhuruar nga shume breza jep gjykimet e saj mbi muziken, tregon marredhenien me vajzat, si dhe zbulon shume detaje te panjohura me pare mbi jeten e saj.



Manjola me cfare po merreni keto kohe?
Aktiviteti i fundit ishte nje koncert per pervjetorin e pavaresise se Kosoves ne Itali. Momentalisht po punoj nje kenge te re me kompozitorin shume te suksesshem Flori Mumajesi dhe me ate qe eshte e vazhdueshme, puna me studentet ne Universitetin e Arteve.

Qendrojme pak ketu. Tek puna ne akademi. Si eshte Manjola si zyshe? E rrepte, tolerante?
Varet sipas studenteve, jane ne fakt studentet qe me sjelljen, me pergatitjen, me talentin dhe korrektesen e tyre te bejne t’i vleresosh dhe punosh shume me ta sepse e meritojne dhe kur ka arsye duhet te jesh edhe tolerante. Nese eshte e kunderta, natyrisht behesh vetvetiu me e rrepte. Gjithsesi besoj qe ne gjithe keto vite kam krijuar nje marredhenie shume te mire me studentet. Profesioni yne nuk eshte matematike, menyra e komunikimit te pedagogut me studentin eshte shume e rendesishme, pasi ne nuk mesojme formula te gatshme, por japim nje profesion ku besimi se kush po te meson dhe ana shpirterore eshte shume ndikuese.

Sa kohe ju merr pergatitja per oren e mesimit?
Per mesimin nuk pergatitem thjesht nje dite perpara, por vazhdimisht studioj, riperterij, jo vetem muzike klasike, por edhe muzike bashkekohore dhe popullore meqe eshte dhe nje nga lendet qe jap.

Sa vite keni qe punoni?
Punoj prej 9 vjetesh.

Duke e krahasuar veten me mesuesit tuaj, cfare keni ndryshuar ju ne mesimdhenie, ne metodologji?
Pedagogia ime e kantos ishte e diplomuar ne Rusi dhe kishte ate shkolle, une kam marre tekniken e saj te kendimit dhe menyren e mesimdhenies, por natyrisht qe pjesa me e madhe eshte eksperienca ime prej me shume se 20 vitesh ne skenat jo vetem shqiptare, por ne pothuajse te gjitha vendet e botes.

Nderkohe dita juaj eshte e mbushur me angazhime. Si ia del Manjola t’i beje te gjitha?
Perkushtimi kryesor eshte ndaj Sindit, duke filluar nga mengjesi e ndihmoj ne detyra apo cdo gje qe ajo ka nevoje. Pjesen tjeter te kohes ia kushtoj gjithe ketyre angazhimeve te shtepise apo te punes. Natyrisht nuk mund te them ketu sesi e organizoj une cdo minute te dites, e rendesishme eshte qe une dashurine, perkushtimin me te madh kam zgjedhur qe ta kem per njerezit e mi te afert, per familjen time e pastaj per te tjerat. Nese i do gjerat shume, besoj qe i perballon dhe ngarkesat. Ajo qe me ka ndihmuar shume ka qene dhe fakti qe asnjehere nuk kam pasur pune te perditshme nga mengjesi deri ne darke.

A gatuani, cfare ushqimi keni si specialitet?
Meqenese me pelqejne gjerat e detit, specialitet kam taven e peshkut me perime, spageti me karkaleca dhe disa nga gjellet tona qe me thone se i gatuaj mire. Nuk di fare te gatuaj brumera, byrek apo embelsira.

Ju ndihmon Sokoli ne gjithe kete ngarkese?
Sokoli me ka ndihmuar gjithmone dhe ketu nuk e kam fjalen per punet e rendomta te shtepise. Ndihma me e madhe per nje grua, per mendimin tim, eshte te ndaje jeten me nje burre qe eshte mbi te gjitha njeri i pergjegjshem dhe i perkushtuar ndaj gjithe nevojave te femijeve dhe gruas se tij dhe sidomos qe t’i doje ato me shume se cdo gje tjeter dhe une kete e kam ndjere ne gjithe keto vite.

Prej disa muajsh vajza e madhe jeton jashte, sa shpesh komunikoni me te?
Une - me siguri si cdo mama - zgjohem me mendjen cfare hengri Megi ne mengjes, c’po ben tani, a ka ftohte, a eshte mire deri momentin qe lidhemi ne ‘Skype’. Flasim ne ‘Skype’ dhe 2 here ne dite dhe oret nuk i llogaris asnjehere. Meqenese ajo eshte studente e shkelqyer meraku im eshte vetem per shendetin.

Se fundmi Megi ju shkroi nje leter, e cila u lexua nga ju ‘live’ ne programin e Ardit Gjebreas. Cfare nuk shkruante Megi ne ate leter, ku vec te tjerash ju cilesonte edhe si heroinen e jetes se saj. A eshte kjo arritja me e madhe e jetes suaj Manjole?
Qe te rrisnim si une dhe Sokoli nje vajze te mrekullueshme si Megi eshte padiskutim arritja me e madhe e jetes sone, por duke qene se ne te njejten menyre ne mundohemi te edukojme edhe Sindin - dhe ato te dyja jane 2 gjysmat e zemres sime, - natyrisht qe deshiroj me gjithe shpirt dhe besoj qe edhe Sindi do te behet ashtu. Une kam besuar qe ne momentin qe kam lindur vajzen qe pergjegjesia me e madhe eshte jo thjesht ta sjellesh nje femije ne jete, por te perpiqesh te sjellesh ne kete bote nje njeri te mire me teper. As ka te krahasuar e jo me paralelizem me te jesh mama e mire apo kengetare e mire, sepse edhe nese kendon keq nuk i ben dem askujt. Nese do i kushtohesh totalisht karrieres per nje kohe te gjate, ai kujdes qe i ka munguar femijes nuk korrigjohet me. Megjithate ne bindjen time pervec ndonje rasti ekstrem, te gjithe prinderit perpiqen te bejne maksimumin, por ndonjehere ka faktore te tjere qe ndikojne ne formimin e femijes sic eshte shoqeria qe e rrethon...



Sa e hapur jeni me vajzat ne komunikim. A konsumoni me to, tema tabu?
Jam perpjekur te jem e hapur, sepse dhe natyra ime eshte e tille. Natyrisht qe duke qene dy mosha te ndryshme, nuk mund te komunikosh me te dyja njelloj. Sa per tema tabu tani s’besoj se ka, sepse televizionet ne cdo ore te dites japin filma me skena te tilla, apo biseda me menyre komunikimi e fjalori qe mund te shastisin edhe te rriturit, e jo me femijet. Prandaj me mire ta pergatisesh sesa te nxjerre vete perfundime per shume gjera qe s’jane te moshes dhe qe mund t’i kuptoje krejt gabim.

Do donit qe ndonjera nga vajzat t’ju ngjante juve? Te behej kengetare?
Asnjera nga ato nuk ka talent te spikatur dhe une u kam thene qe ne fillim qe t’i bejne sherbim asaj gjeje qe ndjejne se dine te bejne me mire. Nuk me ka pelqyer kurre t’i bej artiste e as te njohura me zor. Ka talente te jashtezakonshme, prinderit e te cileve nuk kane asnje lidhje me artin, sepse kjo eshte nje dhurate qe ta jep Zoti, nuk eshte e thene qe ta trashegosh.

Si ju duket muzika sot?
Ka talente te rinj shume te mire, ka kenge te bukura, ka dhe kompozitore shume te mire, por shpesh mbyten nga ata qe bejne 3 klipe e kenge ne jave vetem sepse kane deshire te dalin ne televizor dhe jane kaq te shumte, sa edhe publiku lodhet dhe mbingopet.

Muzika ne Shqiperi, profesion i mire apo i keq?
E keqja eshte qe s’po konsiderohet profesion, por duket sikur mund ta beje kushdo per qejf.

A jetohet me muziken?
Une per fat kam pasur aktivitet gjithmone, sepse jam artiste qe kam publik te te dy brezave, plus qe pothuaj gjithmone kam pasur nje pune si ne Opera dhe tani ne Akademine e Arteve. Per ata qe e ushtrojne privatisht, besoj qe eshte e veshtire te jetohet me kaq pak aktivitete sa behen, e kam fjalen per aktivitete ku shperblehesh per te jetuar si ne cdo profesion tjeter, e jo thjesht aktivitete per te dale ne televizion.

Ne Shqiperi ka 3 festivale e per pasoje festivali i madh duket sikur e ka humbur vleren. C’mendoni ju per kete?
Natyrisht qe s’ka me rendesine e dikurshme, sepse nuk eshte me i vetmi. Ka edhe zgjedhje te tjera per kengetaret qe nuk ndihen mire aty, por mendoj se vitet e fundit e ka rritur cilesine dhe ka korrigjuar shume gjera.

Ndjeni konkurrence nga kengetaret e reja, ato cilesoret?
Fjala konkurrence as qe ekziston tek une sepse asnjehere nuk e kam vene veten ne gare me askend. Asnjehere nuk kam menduar as qe jam dhe as qe duhet te jem me e mira. Gjithmone kam pasur filozofine time qe cdo artist ka publikun e tij qe e do dhe koha ka treguar qe vend ka per te gjithe, por jo te gjithe i rezistojne kohes. Nese flet per kengetare cilesore, ata e meritoje famen dhe uroj ta kene gjithmone.

Miqesite mes kengetareve a ekzistojne, apo gjithcka eshte fasade?
Nuk mund te flas per miqesi ne shumes sepse eshte fjale e madhe. Une kam 4-5 mike dhe miq ne profesionin tim, por qe i kam te cmuar dhe miqesi prej shume vitesh. Te tjeret i konsideroj kolege, me te cilet punoj dhe kaq. Natyrisht ka edhe hipokrizi, si edhe ne cdo profesion tjeter.

Qendrojme tek muzika dhe flasim per muziken tuaj... Se fundmi keni nxjerre nje kenge dedikuar Tiranes. Pse tani? Eshte kjo kenge, nje detyrim ndaj vendit ku u rrite, apo cfare?
Kenga per Tiranen ishte nje shprehje e dashurise per qytetin ku jam lindur e rritur, po ashtu e dashurise me te cilen jam ushqyer nga prinderit dhe familja ime per kete qytet.

Cfare i mungon sot Tiranes suaj?
Do te me pelqente te kishte me teper vepra arti ne sheshet kryesore, dhe te ishte ruajtur dicka nga tradita e qytetit. Une besoj qe krahinat e ndryshme te Shqiperise dhe banoret e tyre kane vlerat, karakteristikat dhe traditat e tyre.

Si nje tironse dem baba dem, cilat nga zakonet e Tiranes vlereson me shume?
Per tiranasit besoj se kane zemer te madhe, nuk jane agresive ne natyre, shohin shtepite dhe punet e tyre dhe nuk bejne keq dhe pse shpesh urtesia u interpretohet si naivitet.

Si per fund, te gjitha femrat qe po lexojne kete interviste duan te dine se cfare ben Manjola, qe eshte kaq ne forme gjithmone?
Kam shume kujdes me ushqimin, ha shume peshk, embelsira shume rralle, eci ne kembe, shkallet i ngjis po ashtu ne kembe dhe me e rendesishmja gjithmone me taka (qesh), s’kam pire kurre cigare qe te prish lekuren, por me e rendesishmja: geni, besojeni ose jo.



Sa shpenzon per dukjen? Sa ore kalon ne parukeri, estetike? A i frekuenton solaret?
Per dukjen, shpenzoj 30 min per grimin dhe natyrisht veshjen qe e kam gjithmone shume merak. Per look-un tim ka vite qe kujdeset mikja ime, por qe eshte edhe talent ne profesionin e saj, Borena. Vajzat qe punojne me te do t’ju konfirmonin qe une nuk shkoj ne parukeri me shume se 1 here ne jave, ndryshe nga c’mund te mendohet se jemi te fiksuara pas ketyre gjerave. Solar kam bere vetem 2 here ne jete, sepse kam bindjen qe te than lekuren me kalimin e kohes.

Keni bere ndonje nderhyrje deri tani?
Kam qene dhe jam pro cdo nderhyrjeje qe nje femer e ben te ndihet mire me veten, por kur nuk jane te rrezikshme per shendetin apo te ekzagjeruara. Nese ka qene gjeja me e natyrshme ne bote qe njeriu te rregulloje cdo problem te brendshem qe ka pasur ne trupin e tij, pse s’qenka normale te rregulloje ato gjera qe s’i pelqejne ne pamjen e jashtme?! Nderhyrje kirurgjikale nuk kam bere, se s’me duket se kam nevoje kur shoh veten ne pasqyre. Ndoshta pas 10 ose me shume vitesh, kur do te kene avancuar gjerat pse jo do t’i bej.

Jeni pro apo kunder operacioneve plastike?
Do te korrigjoja rrudhat, sepse per fat nuk kam problem me asnje tipar te fytyres.
 (Bluetooth)



Komente 0