Matilda Shushari, këngëtarja e cila para pak kohe publikoi videoklipin e saj më të ri "Mos Ik" vjen në një rrëfim ekskluziv për websajtin tonë. Përse zgjodhi ThreeDots? A do të kemi ndonjë porjekt të ri nga ajo? dhe se çfarë ka të re nga jeta e saj private, na tregon ajo në vazhdim...

TeksteShqip: Matilda, së fundmi keni publikuar videoklipin tuaj më të ri "Mos ik". Na flisni pak më shumë rreth këtij projekti?

Matilda: Ndihem shumë e lumtur për realizimin e këtij projekti, pasi impakti pas përfundimit të tij ka qenë vërtetë shumë pozitiv. Muzika është realizuar nga i madhi Ervin Gonxhi, teksi nga Ronela Hajati dhe videoklipi nga Chill Pro. Është një produksion i Threedots Production. Përveç këtyre, "Aleksi Sallon" ka qenë pikërisht ai i cili u përkujdes për make-up dhe hairstyle e ndërkohë Sallon "Lina" për veshjen time.
Të gjithë kanë bërë punë vërtetë shumë të mirë dhe i falenderoj me shpirt për gjithë këtë përkushtim të madh.

TeksteShqip: Kësaj rradhe zgjodhët bashkpunimin me ThreeDots? Përse u drejtuat tek ky produksion?

Matilda: Nuk është hera e parë që bashkëpunoj me Threedots Production e realisht ndihem vërtetë e lumtur që kam mundësine të bashkëpunoj me ta. Mund të them me plot gojë që është e vetmja studio produksioni e cila ofron profesionalizëm dhe prej saj dalin hite të vërteta.

TeksteShqip: Sa jeni ndarë e kënaqur me suksesin e këngës deri tani?

Matilda: Ndihem pafund e kënaqur për suksesin e kësaj kënge, pasi kjo këngë transmetohet në televizion dhe radio, e ndërkohë dëgjohet & shpërndahet nëpër rrjetet sociale. Komentet kanë qenë shumë pozitive dhe kjo tregon pozitivitet në një masë të gjërë.

TeksteShqip: Cila janë projektet e tua të ardhshme pas këtij klipi?

Matilda: Preferoj ta bëj surprizë(qesh).

TeksteShqip: Po me koncerte jeni e angazhuar?

Matilda: Për momentin nuk jam e angazhuar me koncerte. Gjatë sezonit të verës angazhohem më së shumti nëpër koncerte.

TeksteShqip: Kthehemi pak në kohë. Hapat e para, ku i more në X Factor. A e ndjek tani këtë spektakël dhe si tu duk finalja e madhe dhe fitorja e Ergit?

Matilda: Nga X Factor kam filluar të rritem dhe ndërkohë ndiej shumë nostalgji sa herë e shoh atë skenë aq shumë të bukur. Sigurisht që e ndjek këtë spektakël dhe ndërkohë shoh që X Factor ka vërtetë shumë talente. Ergi më ka pëlqyer pa masë dhe kam qenë shumë pozitive ndaj tij për ta fituar. Ka qenë një fitore e merituar!

TeksteShqip: Po nga jeta private?

Matilda: Jeta private po ecën shumë mirë

TeksteShqip: Keni marrë pjese vjet në Top Fest. Po këtë vit do ju shohim në një nga festivalet tona?

Matilda: Me shumë dëshirë shpresoj të më shihni në Kënga Magjike.

TeksteShqip: Faleminderit që gjete kohë për intervistë. Për fund nëse dëshiron të shtosh diçka...

Matilda: Ju falenderoj shumë juve për ftesën tuaj. Dëshiroj të falenderoj Threedots Production për besimin e madh ndaj meje e ndërkohë të falenderoj fansat e mi për çdo mbështetje dhe suport prej tyre. Ju dua!!