Besnik Çaka, anëtari i grupit NRG Band, thotë se ai është i pafajshëm në lidhje me akuzat se ka pasur marrëdhënie me një 16-vjeçare.
Këngëtari pejan thotë se nuk e di as vetë se si është përfshirë në këtë skandal, ndërsa dyshon edhe për mundësinë që emri i tij të jetë përfshirë në këtë ngjarje qëllimisht.

"E thash edhe më herët, presim që drejtësia të zbardhë në seancën e radhës, pastaj do shohim se çfarë qëndron prapa saj, sepse unë e di që jam i pafajshëm dhe me zor po pres të vijë seanca gjyqësore dhe t'i japim fund kësaj rrëmuje", ka thënë Besniku gjatë një interviste për emisionin Poke të Top Channel.