Nuk është parë asnjëherë që një ngjarje të diskutohet kaq shumë në media edhe pasi këngëtari ka dhënë vetë deklaratën e tij publikisht, e në fakt kjo ka ndodhur me ngjarjen e fundit që i ka ndodhur Mozzik, i cili edhe pse përgënjeshtroi lajmin se ai është rrahur, prap se prap deklarata e tij nuk bëri fare bujë madje mediat vazhduan me komentimin ndryshe të kësaj ngjarjeje.

Mendohet se mbrëmë Mozzik është sulmuar nga një reperi i ri me emrin Read (pasi mendohet se dyshja në fjalë kanë rivalitet prej kohësh). Portali Telegrafi shkruan se shkas i grindjes mund të ketë qenë statusi i fundit i Mozzik në rrjetet e tij sociale ku ka shkruar: “Don mu bo ganster veç pse të ka pëlqy filmi i Escobarit”, shkrim ky që sipas tyre ishte kunjë për videoklipin e ri nga Read.

“Mozzik ishte i shoqëruar me një person tjetër që si duket ishte Dj i tij dhe si ka zbritur nga vetura është sulmuar nga tre persona, të cilët e kanë shtrirë përtokë dhe kanë tentuar ta therrin me thikë, reperi ka mbetur i shtrirë ndërsa sulmuesit kanë ikur”, ka thënë një dëshmitar për Telegrafin.

Mozzik ishte prononcuar dje se ai vetëm ka rrëshqitur në akull dhe ka lënduar dorën. Është hera e parë që që një këngëtari nuk i zihet besë nga mediat për deklaratën e tij dhe vazhdon të shkruhet prap për të, mirëpo nëse ajo çfarë ka thënë Mozzik del të jetë e vërtetë, atëherë Mozzik ka të drejtë të ngre padi gjygjsore kundrejt Telegrafit.